“Qızılay” Yämändä moxtaclarnı onıtmadı

Törkiyäneñ “Qızılay” yärdäm oyışması Yämänneñ kön’yağındağı Aden qalasında qaçaqlarğa 300 azıq-tölek paketı tarattı.

”Qızılay”nıñ Yämän wäkile Mostafa Aydın yärdämgä moxtac ğailälärgä 300 azıq-tölek paketı taratuların häm monıñ aldağı könnärdä başqa şähärlärdä taratılaçaq 5 meñ paket taratu planınıñ  ber öleşe buluın belderde.

Yärdämnärneñ däwam itäçägen beldergän Mostafa Aydın uzğan kön Marib qalasındağı moxtaclarğa 900 paket azıq-tölek taratıluın citkerde.

Ozaq waqıt säyäsi totrıqsızlıq xökem sörgän Yämändä husilär belän xökümätkä bäyle köçlär arasında bäreleşlär küzätelä.

Husilär 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında tota.

 Soğud Ğaräbstanı äydäp baruçanlığındağı koaliśiya köçläre 2015 nçe yılnıñ martınnan xäzerge waqıtqa qadär husilärgä qarşı Yämän xökümätenä yaqlaw kürsätä.

Yämändä açlıq, xolera, bäreleşlär häm hawa höcümnäre arqasında keşelek draması küzätelä.