Änkaradan qırıs reakśiya

Ӓnkara citӓkçelege Greśiya, Misır hӓm Kön’yaq Kipr Grek citӓkçelegeneñ Törkiyӓgӓ qarata açıqlanğan urtaq beldergesenӓ qırıs reakśiya belderde.

Tışqı êşlӓr ministrlığı süzçese Xami Aksoy 3 ilneñ tışqı êşlӓr ministrları qatnaşında Amerika Quşma Ştatlarınıñ N’yu-York şӓhӓrendӓ oyıştırılğan cıyılıştan soñ yasalğan urtaq açıqlawda urın aluçı Törkiyӓgӓ qarata nigezsez dӓğwalarnı kire qağuların belderde.

Aksoy mӓs’ӓlӓ belӓn bӓyle sorawğa birgӓn yazma cawapta Greśiya hӓm Kön’yaq Kipr Grek citӓkçelegeneñ xalıqara xoquqqa qarşı, maksimalist milli sӓyӓsӓtlӓrenӓ soñğı waqıtta Awrupa Berlege illӓre belӓn ber rӓttӓn töbӓk illӓrne dӓ quşarğa tırışuınıñ Könçığış Urta diñgezdӓ tınıçlıq hӓm totrıqlılıqnı bozuın ӓytte.

Greśiya, Misır hӓm Kön’yaq Kipr Grek citӓkçelege tışqı êşlӓr ministrları cıyılışınnan soñ yasalğan açıqlawda Törkiyӓneñ Ӓgӓy hӓm Könçığış Urta diñgezdӓ qanunsız êşçӓnleklӓr alıp baruı dӓğwa itelgӓn ide.