Borawlaw däwam itäçäk

Törkiyä ilbaşı kiñäşçese Fuat Oktay Urta dingezneñ könçığışındağı borawlaw êşçänleklären qararlılıq belän däwam itülären belderde. Ul İstanbulda Böyek Çamlıca mäçetendä ğayet namazı qılğannan soñ jurnalistlar qarşısına çıqtı.

Oktay barlıq cıyulıçılarnı Qorban Ğayete belän täbrik itte. Şunnan soñ ul sorawlarğa cawap birep Yavuz borawlaw köymäseneñ Urta dingezdäge êşçänlege turında söyläde.

“Törkiyä üzeneñ dä, Kipr törekläreneñ dä xaqların yaqlaw yünäleşendä axırğa qadär hiç ikelänüsez alğa baraçaq. Borawlaw êşçänlegen däwam itterüdä dä, çişeleş prośessı buyınça Kipr törekläreneñ tabiğıy baylıqlarnı tigez häm ğadel büleşüe noqtasında da qararlı bulaçaqbız,”-dide Törkiyä ilbaşı kiñäşçese.