Törkiyä Äfganstannıñ qayğısın urtaqlaştı
Tışqı êşlär ministrlığı:"Höcümne ğayeplibez, Äfganstan xökümäte häm xalqınıñ qayğısın urtaqlaşabız"
Törkiyä Äfganstanda 32 keşeneñ ğomeren özgän bombalı höcümne ğayepläde häm il xalqınıñ qayğısın urtaqlaştı.
Tışqı êşlär ministrlığınıñ bu xaqtağı belderüendä tübändäge yullar urın aldı:”Äfganstannıñ Härat vilayätendä yulçı avtobusına oyıştırılğan bombalı höcümdä küp sanda keşeneñ ğomere özelüe häm yaralanuı bezne borçuğa saldı. Älege höcümne ğayeplibez, höcümdä ğomere özelgän keşelärgä Allahtan yarlıqaw sorıybız . Äfganstan xökümäte häm xalqınıñ qayğısın urtaqlaşabız. Yaralanğan keşelärgä şifalar telibez”.
Yul çitenä urnaştırılğan bombanıñ avtobus yul aşa uzğanda şartlawı näticäsendä 32 keşe hälaq bulğan, 15 keşe yaralanğan ide.
Höcümneñ cawaplılığın älegä üz östenä aluçı bulmadı.
Bäyläneşle xäbärlär
"Netan’yaxu Gitlernı könläştererlek däräcägä citte”
Törkiyä ilbaşı bu xaqta Greśiya gazetına birgän interv’yusında citkerde