Greśiyä xökümäte räise Törkiyä belän yaqınaymaqçı

Greśiyä xökümäte räise Kiriakos Miçotakis: “Maqsatım törek-grek mönäsäbätlärendä qıyu başlangıç öçen yullar tabu,”-dide. Ul tradiśion täwge çit il säyäxäten Kön’yaq Kiprğa yasadı. Xökümät räise utrawnıñ grek tarafı liderı Nikos Anastasiadis belän Nikosiyada oçraştı.

Kiriakos Miçotakis ike könlek êş säyäxäte waqıtındağı küreşülärdän soñ jurnalistlarnıñ sorawlarına cawap birde. Anda Greśiyä häm Törkiyä arasındağı mönäsäbätlär xaqında da süz buldı. Xökümät başlığı maqsatınıñ ike aranı yaqınaytu buluın häm monı êtaplap başqaru kiräklegen belderde.