Çavuşoğlu - Dimitrov söyläşüe
Mӓwlüt Çavuşoğlu Tön’yaq Makedoniyada söylӓşülӓr ütkärä
Törkiyӓ tışqı êşlӓr ministrı Mӓwlüt Çavuşoğlu Tön’yaq Makedoniya başqalası Skop’yedağı söylӓşülӓre qısalarında xezmӓttӓşe Nikola Dimitrov belӓn küreşep söylӓşte.
Çavuşoğlu oyıştırılğan matbuğat oçraşuında, bügen hӓm kiçӓ uzğan cıyılışlarda ike yaqlı mönӓsӓbӓtlӓrne küzdӓn kiçerülӓren ӓytep: “İskitkeç sӓyӓsi mönӓsӓbӓtlӓrebez bar. Tabiği berlektӓş bez, lӓkin xӓzer NATOda da rӓsmi rӓweştӓ berlektӓş bulaçaqbız,” – dide.
Ministr Çavuşoğlu ike yaqlı sӓwdӓ külӓmeneň totrıqlı rӓweştӓ üsüenӓ işarӓt itep, 1 milliard dollarlık maqsatqa ireşü öçen tağın beraz tırışlıq quyu zarurlığın assızıqladı.
Tön’yaq Makedoniyada 100 tirӓse törek şirkӓteneň buluın hӓm alardan kübeseneň Törkiyӓnen iň köçle şirkӓtlӓre buluın citkergӓn Çavuşoğlu törek şirkӓtlӓrenӓ kürsӓtkӓn yaqlaw öçen Tön’yaq Makedoniyağa rӓxmӓten belderde.