Ärdoğan Qıtayda jurnalistlarnıñ sorawlarına cawap birde

İlbaşı Räcäp Tayyip Ärdoğan Qıtay başqalası Pekinnan kitär aldınnan jurnalistlarnıñ sorawlarına cawap birep: "BMOnıñ ber terror oyışmasın utırdaş itep qabul itüe, östälgä utıruı häm räsmi status tanığan kebek kileşügä imza saluı iñ ciñel ğibarä (ğıybarä) belän skandal. Bu bolay ğına qaldırılaçaq mäs’älä tügel”, - dip äytte.

İlbaşı Ärdoğan skandal kileşüneñ protest itelüe öçen Berläşkän Millätlär Oyışmasında kiräkle kereşüneñ başlatıluın belderde.

Amerika Quşma Ştatlarına “F-35” reakśiyasın däwam itterüçe Ärdoğan, AQŞtan yasalğan: “S-400 alsağız, “F-35”lär tapşırılmas” açıqlawlarına: “Bez urtaq êşläp çığaruçı” dip basım yasap: "Sez kliyent êzlisez, kliyent tabılğan häm ul kliyent aqçaların tülägän oçraqta sez ul kliyentnıñ tovarın niçek birmisez? Bu yanap alu, talaw bulır”, - dip äytte.

"Törkiyäneñ AQŞ-İran kiyerenkelegendä aradaşçı wazıyfasın üz östenä aluı mömkinme?” digän sorawğa isä İlbaşı Ärdoğan: "Yaponiya Baş ministrı Abe belän ütkärgän söyläşüebez waqıtında: “Mondıy waqiğada (waqıyğada) bergä bula alabızmı?”, - dip äytte. Min dä: “Nigä bulmasın”, - didem. “İran İlbaşı Hasan Ruhani bulmasın, İran dini liderı Ali Hamaney bulmasın, här ikese belän dä söyläşülär ütkärä alam”, - didem. “Bergä dip äytsägez, bergä dä bula ala”, - dip äytüen belderde.

Ärdoğan Liviyada Hafter köçläreneñ Törkiyäne maqsat itep alğan açıqlawlarına häm törek watandaşlarınıñ urlanıp, annan soñ azat itelüenä reakśiya kürsätte.

BMOnıñ kiräkle adımnarnı yasawnıñ zarurlığın belderüçe Ärdoğan: "Hafter xäzerge waqıtta anda böten mäğ’näse belän yulbasarlıq qıldı, yulbasar wazğiyätendä. Min bügengä çaqlı Hafter belän bäylänmädem. Qısqa waqıtta Liviyada saylaw ütkärelü mömkinlege bulır”, - dip ışanuın citkerde.

İlbaşı Ärdoğan Könçığış Urta diñgezdäge zondaj kiyerenkelegenä qağılışlı bularaq Kön’yaq Kipr grek citäkçelegenä häm Awrupa Berlegenä dä kisken reakśiya kürsätte.

Xoquq êçendä yasaluı zarur adımnarnı yasawların belderüçe Ärdoğan: "Ämma aldıbızğa xoquq tanımawçılar çıqsa alar añlıy torğan tel belän söyläşüebezne dä belerbez. Kön’yaq Kipr bügengä qadär hiçber xoquq belän xäräkät itmäde. Awrupa Berlege dä döres xäräkät itmi. Bolarnıñ barısı da yanap aluçı. Anda hiçber xoquqı bulmawçılarnıñ üzlärenä xaq-xoquq êşläp çığaruları qabul itelerlek närsä tügel”, - dip äytte.