Ärdoğan AQŞ ilbaşı belän oçraşuı turında söyläde

Törkiyä ilbaşı Räcäp Tayyip Ärdoğan Yaponiyädä AQŞ däwlät başlığı Donal’d Tramp belän bulğan kritik oçraşunıñ detal’lären jurnalistlarğa söyläde. Ul wazıyfadaşınıñ matbuğat çaralarına yasağan açıqlawın xäterlätte. Ärdoğan äytüençä, Tramp, üzeneñ qul astındağı törkemenä qaramastan, tögäl, döres süzlär qullandı. “Bu bik yaxşı, dide Törkiyä ilbaşı. - S-400lär mäs’äläsendä beräwlärgä uñda-sulda söyläşmäskä äybät buldı. Çönki bu belderüdän soñ xörmätle Tramp üzeneñ fikeren açıq kürsätte.”

Ärdoğan S-400lär mäs’äläsendä AQŞ ilbaşınıñ Törkiyägä ğadellek kürsätüen assızıqladı. “Möxtäräm Tramp “Bez sezgä şul sankśiyäne kertäbez” dimäde. S-400 belän bäyle bularaq ta “Sin xaqlı, bu-ğadelsezlek” dide. Bu bik ähämiyätle. Möxtäräm Putin belän öç’yaqlı bularaq oçraşqanda da, şulay uq, uñay häm matur süzlär genä söyläde. Minem uylawımça, bu prośessnı problemasız tögälliyäçäkbez. Ber atna-10 kön êçendä S-400lärneñ täwge seriyäse kiläçäk,”-dip söyläde Törkiyä ilbaşı.     

Ärdoğan “Törkiyä AQŞtan Patriot alaçaqmı?” sorawına da cawap birde. Anıñ äytüençä, texnologik bularaq ber S-400 3 Patriotqa tora. “Şuña qaramastan, şartlarnı qarap çığaçaqbız. Ägär şartlar S-400 belän ber ük bulğan oçraqta da Patriot alırbız. Ämma ber ük bulmasa, ul waqıtta açulanmağız, sez mänfäğategezne uylasağız, bezneñ dä mänfäğat’ bar. Monı da açıqtan-açıq äyttek,”-dide Ärdoğan.  

İlbaşı oçraşuda F-35lärne alu da kön üzägenä quyıluın belderde. Prośessnı saqlanu häm tışqı êşlär ministrlıqları küzätäçäk.

Monnan tış, ul Törek hawa yullarınıñ AQŞtan 100 Boing oçqıçı alacağın da äytep uzdı. Anıñ fikerençä, Trampnıñ Törkiyägä säfäre belän bu mönäsäbätlär tağın da alğa kitäçäk.