Ärdoğan belän Tramp oçraşa

Törkiyä ilbaşı Räcäp Tayyip Ärdoğan AQŞ däwlät başlığı Donal’d Tramp belän oçraşaçaq. Liderlarnıñ küreşüe Yaponiyädä 28nçe-29nçı iyün’dä uzaçaq G-20 sammitında bula.

Aq Yortnıñ yuğarı däräcäle ber wäkile Trampnıñ Yaponiyä programması belän bäyle telekonferenśiyä ütkärde. Ul AQŞ däwlät başlığınıñ säfär qısalarında 8 il citäkçese belän oçraşaçağını belderde. Bolar Törkiyä ilbaşı Räcäp Tayyip Ärdoğan, Qıtay däwlät başlığı Si Śzin’pin’, Rusiyä ilbaşı Vladimir Putin, Soğud Ğaräbstanı täxet varisı, prinś Möxämmät bin Sälman, Yaponiyä xökümäte räise Şinzo Abe, Hindstan prem’yer-ministrı Narendra Modi, Germaniyä kanślerı Angela Merkel’ häm Avstraliyä xökümäte räise Skott Morrison.

Ärdoğan belän Tramp oçraşuında başta S-400 hawa saqlanu sisteması mäs’äläse buyınça söyläşü planlaştırıla. Häm başka ikeyaqlı mönäsäbätlärdäge töp temalar külämle şäkeldä urtağa quyıp söyläşener dip kötelä.

G-20 sammitı 28nçe-29nçı iyün’dä Yaponiyäneñ Osaka şähärendä ütäçäk.