Törkiyä ilbaşı Putin belän telefonnan söyläşte
Anda Süriyä rejimınıñ İdlibneñ kön’yağında nigezdä tınıç xalıqnı maqsat itep alğan höcümnäre xaqında süz bardı
1211515
Törkiyä ilbaşı Räcäp Tayyip Ärdoğan kiçä kiçen Rusiya Federaśiyäse däwlät başlığı Vladimir Putin belän telefonnan söyläşte.
İlbaşı idaräseneñ êlemtä bülege beldergänçä, Ärdoğan Süriyä rejimınıñ İdlibneñ kön’yağında nigezdä tınıç xalıqnı maqsat itep alğan höcümnärendä ülemnärne totqarlaw häm Törkiyä çik buylarına küçenü riskın beterü kiräklegenä basım yasadı.
Ul İdlibtä iñ qısqa waqıtta utnı tıuqtatu täêmin itü häm säyäsi çişeleş barışına yünälü kiräklegen assızıqladı.
Törkiyä ilbaşı ike yaqlı mönäsäbätlärdä alğarış küzätelüen, iyün’ ayında Yaponiyada G-20 sammitı qısasında Putin belän êşçänleklärneñ näticäläre xaqında söyläşä alaçaqların belderde.
