Törek hawa yulları Fälästingä turist taşıyaçaq

Törek hawa yulları Fälästingä qabat turistlarnı kiterü öçen tırışa. Şirkät monıñ öçen Fälästin turizm ministrlığı belän xezmättäşlekkä äzer buluın belderde. İke taraf İordannıñ basıp alınğan könbatış üzänlegendä Bäytullahim şähärendä oçraştı. Söyläşüdä Fälästinneñ turizm ministrı Rola Maayia häm Törek hawa yullarınıñ Yaqın Könçığış bülege wäkile Fatix Durmaz qatnaştı.  Anda Fälästin belän Törkiyä arasındağı mönäsäbätlärneñ här tarmaqta köçle buluı assızıqlandı.

Fälästin turizm ministrlığı mäğ’lümatlarına qarağanda, uzğan yıl 130 meñnän artıq Törkiyä watandaşı älege ilgä barğan. Tulayım turist sanı isä 2018nçe yılda 3 millionnan artıq.