Törek Qızılayınnan Qabulğa yärdäm
Äfğanstan başqalasındağı 303 ğailägä azıq-tölek taratıldı
Törek Qızılayı Ramazan ayı êşçänlekläre qısalarında Äfğanstan başqalası Qabuldağı 303 ğailägä azıq-tölek tarattı.
Törek Qızılayınıň Äfğanstandağı delegaŝiyase başlığı Vural Can Kural mäs’älä belän bäyle bularaq Anadolu Agentlığına yasağan açıqlawında yärdäm tartmaların Qabuldağı ixtıyacı bulğannnarğa tapşıruların äytte.
Kural Ramazan ayında azıq-tölek yärdäme häm iftar programmaları belän başqa waqıtlarda isä humanitar yärdäm êşçänlekläre belän Äfğan xalqı yanında bulırğa däwam itteräçäklären belderde.
Äfğan Qızılayınıň Qabuldağı bülekçäse başlığı Abdul Rab Gazali dä Qabuldağı ixtıyacı bulğan ğailälärne tabıp, Törek Qızılayınıň yärdäm paketlarınnan faydalanuın täêmin itülären assızıqladı.
Gazali härwaqıt äfğan xalqına yärdäm qulın suzuçı törek xalqına häm ayıruça Törek Qızılayına räxmäten belderde.
Yärdäm tartmaların alırğa barğan Qabulda yäşäwçe Sünnetullah Rahmani iftarda häm säxärdä aşarğa rizıqlarınıň bulmawın häm bu yärdämnär belän urazaların uňaylı tota alaçaqların citkerde.
