Fälästin mäs'äläsenä sizgerlek citmi

Törkiyä ilbaşı Räcäp Tayyip Ärdoğan İzrailneñ Ğazzädäge cinayät’lären yäşerü öçen matbuğat organnarın bombalawdan da tayçınmawın belderde. Ul, AK partiyäneñ iftar programmasında çığış yasap, Fälästin mäs’äläsenä tuqtaldı. “Sonğı 2 yılda Qudüstä xalıqara xoquqlarğa qarşı kilüçe häm izge qıymmätlärne sanğa suqmawçı bik küp adım yasaldı. Bolar citmägän şikelle, möbaräk Ramazan ayı aldınnan Ğazzägä ğayepsez keşelärneñ tormışın qurqınıç astına quyuçı höcümnär başlandı,”-dip söyläde ul.

Ärdoğan törek media oyışması Anadolu agentlığınıñ da bombalanuın xäterlätte. “Süz irege mäs’äläsendä bik sizger illär häm oyışmalar isä bu höcümgä bernindi reakśiyä kürsätmäde häm kürsätmi,”-dide ilbaşı.

Ärdoğan ike däwlätle çişeleş anlayışına zarar birüçe barlıq omtılışlarğa qarşı buluların belderde. Ul barlıq illärne Fälästin häm Qudüs mäs’äläsendä tağın da sizger bulırğa häm üz süzlären äytergä çaqırdı.