Ärdoğan Änilär köne belän qotladı

Törkiyä ilbaşı Räcäp Tayyip Ärdoğan Änilär köne uñayınnan möräcäğat’ yasadı. Ul barlıq analarnı älege data belän qotladı häm: “Söyüne, xörmätne, yärdämne, yumartlıqnı häm söyüne bezgä öyrätkän änilärebez ilebezdä bäxet häm xozurnı saqlawda iñ zur köçebez,”-dip belderde. İlbaşı änilärne şäfqat’, märxämät häm fidakar’lekneñ simvolı dip atadı. “Bez cännätneñ analarnıñ ayaq astında buluına ışanuçı, änilärne baş östendäge tac şikelle kürüçe, “ana şikelle yar bulmas” diyüçe, änilärgä xörmätne çın küñeldän başqaruçı, ana bulunı - dön’yanıñ iñ üzençälekle märtäbäse sanawçı mädäniyät häm ğoref-ğadätlärneñ wäkilläre.  Şuşı qaraş belän änilärebezneñ tağın da bäxetle buluı, yözläreneñ kölep toruı, tormış şartlarının tağın da yaxşıruı öçen alğa taba da qararlılıq belän êşläwne däwam itäçäkbez,”-dip ışandırdı ilbaşı. Ärdoğannıñ qotlawında şundıy yullar bar: “Ğomerlären ğailälärenä bağışlawçı, härwaqıt xörmätläreneñ iñ zurısın xaq itüçe änilärebezneñ Änilär könen qotlıym, axirätkä küçkän barlıq analarnıñ räxmät belän iskä alam”.