Çavuşoğlunı törek-amerikan mönäsäbätläre diplomatiyası

NATO Tışqı êşlär ministrları cıyılışı qısdalarında Waşingtonda bulğan Tışqı êşlär ministrı Mäwlüt Çavuşoğlu AQŞ Kongressında oçaşular ütkärde.

AQŞ Wäkillär palatasınıñ tışqı êlemtälär komitetı başlığı “Demokrat” partiyalı Eliot Engel häm däräcäle äğ’zase “Cömhüriyät” partiyalı Maykl MakKol belän oçraşuı häm Törkiyäneñ Waşington tulı wäqalätle ilçese Serdar Kılıç ta qatnaşqan söyläşü waqıtında ministr Çavuşoğlunıñ Törkiyä-Amerikan mönäsäbätlären qızıqsındırğan könüzäk mäs’älälärne häm problemalarnı äñgämädäşläre belän quzğatuı häm Törkiyäneñ poziśiyasın añlatuı belderelde.

Şul uq waqıtta Çavuşoğlu Çexiya häm Tön’yaq Makedoniya Tışqı êşlär ministrları belän dä ike yaqlı söyläşülär ütkärde.

Şuşı söyläşülär turında “Twitter” aşa açıqlaw yasawçı Çavuşoğlu: “Çexiya Tışqı êşlär ministrı Tomas Petriçek belän ike yaqlı säwdä küläme, ike yaqlı investiśiyälärebez belän bergä Törkiyä-Çexiya mönäsäbätlären bäyälädek”, - dip belderde.

Çavuşoğlu Tön’yaq Makedoniya Tışqı êşlär ministrı Nikola Dimitrov belän uzdırğan söyläşü belän bäyle bularaq ta: "Tön’yaq Makedoniya Tışqı êşlär ministrı Nikola Dimitrov belän söyläşüebezdä ike yaqlı mönäsäbätlärebezne häm regional’ mäs’älälärne qarap çıqtıq. Tön’yaq Makedoniyanı NATOnıñ 30nçı äğ’zase bularaq iñ qısqa waqıtta arabızda kürergä teläwebezgä tağın ber qat basım yasadıq”, - dip bäyäläw yasadı.

Ministr Çavuşoğlu NATOnıñ 70 yıllığı mönäsäbäte belän bügen ütkäreläçäk NATO Tışqı êşlär ministrları cıyılışında qatnaşu öçen Waşingtonğa kitte. Çavuşoğlunıñ Waşington oçraşuları qısalarında Aq Yort milli iminlek kiñäşçese John Bolton belän dä comğa könne küreşep söyläşüe kötelä.