"AQŞ İzrailneñ Golan qalqulıqları belän bäyle xoquqsız ğamällären legal’läşterergä tırışa"

 Törkiyä ilbaşı idaräse süzçese İbrahim Qalın Amerika Quşma Ştatları ilbaşı Donal’d Trampnıñ İzrail basıp alğan Golan qalqulıqları belän bäyle belderüenä reakśiya belderde.

İbrahim Qalın twitter aşa yasağan belderüendä xalıqara xoquqnıñ illärneñ cir bötenlegen garantiya astına aluın xäterlätep “Amerika Quşma Ştatları citäkçelegeneñ Fälästin cirlären basıp alğan İzrailneñ Golan qalqulıqları belän bäyle xoquqsız ğamällären legal’läşterergä tırışuı basıp alu säyäsätlärenä yaqlaw kürsätü häm bäreleşlärne tiränäytü ul” dide.

Tramp “AQŞqa İzrailneñ Golan qalqulıqlarındağı xakimiyäten tulısınça tanu waqıtı citte” dip beldergän ide.

İzrail Süriyäneñ Golan qalqulıqların 1967 nçe yılda basıp alğan ide.