“Qudüs - bezneñ öçen izge ber däğwa”
Çavuşoğlu: “Qudüs-Yerusalimneñ tarixi häm xoquqi statusınıñ saqlanıp qaluı – tışqı säyäsätebezneñ berençe çirattağılarnıñ berse”
Törkiyä Tışqı êşlär ministrı Mäwlüt Çavuşoğlu: "Qudüs-Yerusalimneñ tarixi häm xoquqi statusınıñ saqlanıp qaluı – tışqı säyäsätebezneñ berençe çirattağılarnıñ berse. Bu – bezneñ öçen izge ber däğwa. Qudüs-Yerusalimdäge ğadelsezlekkä xalıqara cämäğätçelekneñ iğ’tibarın cälep itü öçen härtörle tırışlıqnı kürsätebez”, - dip äytte.
Ministr Çavuşoğlu Awrupa illärendä wazıyfalı Fälästin ilçeläre kiñäşmäsendä qatnaştı.
Tışqı êşlär ministrı Çavuşoğlu Ğazzädäge keşeleksez qamawnı däwam itterüçe İzrailneñ ike däwlätle çişeleşne ğamäldän çığaruğa yünälgän häm qırıslıqtan köç-küät aluçı qurqusız kampaniya alıp baruın belderde.
Mäwlüt Çavuşoğlu: "Uzğan yılda İzrail parlamentında qabul itelgän güyä Millät däwläte qanunı da şuşı zihenne çağıldıruçı yaña ber ürnäk buldı. Mondıy kereşülärneñ dialog häm diplomatiya yulı belän ğadel häm daimi tınıçlıqqa ireşü maqsatıbızğa zıyan birüenä hiçtä röxsät birmäyäçäkbez. İzrail qanunsız êşçänlegen arttırğan sayın bez xalıqara mäydanda tınıçlıq häm ğadälät öçen tağın da kübräk tırışlıq kürsätäçäkbez”, - dip äytte.
İranğa qarşı çikläwlärne dä döres dip tapmawların belderüçe Çavuşoğlu: "İrannıñ bu räweşle poçmaqqa qıstırıluınıñ töbäk öçen dä bik risklı häm qurqınıç buluın uylıybız”, - dip basım yasadı.
