Akar: “Törkiyä könbatıştan çitläşmäde”

Akar AQŞ saqlanu ministrı wäkile Patrik Şanahan, Amerika Quşma Ştatlarınıñ Süriyä maxsus wäkile Jayms Jeffrey häm Amerika Quşma Ştatlarınıñ qayber senatorları belän ayırım ayırım küreşep söyläşte.

Akar şuşı söyläşülärendä ike il arasındağı mönäsäbätlärneñ aldındağı iñ zur kirtälärdän berseneñ “PKK/YPG” terror oyışması buluın belderde.

“PKK/YPG” terror oyışmasınıñ kördlärne wäkillek itmäwen belderüçe Akar: "Kördlär bezneñ qardäşebez. Bezneñ berdänber maqsatıbız terrorçılar. Qayberäwlär “PKK”nı kördlär bularaq bäyäli. Bu bik yalğış. “PKK” terrorçıları körd qardäşlärebezne wäkillek itmi. Şunı onıtmasqa kiräk: “PKK”, “YPG” ber ük. Şuña kürä “YPG” terror oyışmasınıñ töbäktän çığarıluı – çiklärebezneñ häm xalqıbıznıñ iminlege cähätennän iñ möhim mäs’älä. Färatnıñ könçığışındağı 440 çaqrımlıq çik buyında oyıştırılaçaq imin töbäktä “YPG” terror oyışması bulmasqa tiyeş häm töbäk iminlegen Törkiyä täêmin itärgä tiyeş”, - dip äytte.

Törkiyäneñ kön’yaq çige buyında terror koridorınıñ oyışuına hiç tä röxsät birmäyäçäğenä basım yasawçı ministr Akar Törkiyäneñ könbatıştan çitläşüe raslawlarına isä: "Törkiyä könbatıştan çitläşmäde. NATO belän bergä böten cawaplılıqların kimçeleksez räweştä başqaruın däwam itä”, - dip cawap birde.

Akar Rusiyädän S-400 hawa häm raketa saqlanu sistemasınıñ alınuı belän bäyle bularaq: "Bu ber saylap alu tügel, mäcbüriyät,” – dip äytte. Ministr Akar hawa häm raketa yanawlarına qarşı Törkiyäneñ saqlanuınıñ mäcbüriyät buluın, bu mäs’älädä berlektäş illär belän “Patriot” häm “SAMP-T" hawa saqlanu sistemalarının täêmin itelüe mäs’äläsendä dä söyläşülärneñ däwam itüenä basım yasadı.