”BMO wäkileneñ konsullıqqa kertelmäwe cäncal”

”Ğadälät häm qalqınu” partiyäse süzçese Ömär Çälik jurnalist Cämal Qaşıqçı cinayäte tikşerüe qısasında Törkiyägä kilgän Berläşkän Millätlär Oyışması reportyerı Agnes Kallamarnıñ İstanbuldağı Soğud Ğaräbstanı baş konsullığına kertelmäwen cäncal bularaq bäyäläde.

2 nçe oktyabr’dä Soğud Ğaräbstanı baş konsullığında üterelgän Cämal Qaşıqçı cinayäte belän bäyle tikşerü däwam itkändä BMO wäkile Kallamar mäs’älä belän bäyle oçraşular ütkärä.

Ömar Çälik Berläşkän Millätlär Oyışmasınıñ cinayät’ belän bäyle xalıqara tikşerü ütkärü mäs’äläsendä qatğıy buluı kiräklegen assızıqladı.

“Ğadälat häm qalqınu” partiyäse süzçese Soğud Ğaräbstanınıñ baştan birle bu cinayät’ belän bäyle tikşerügä yärdäm itmäwen, kiresençä yäşerep qalırğa tırışuın belderep, BMO reportyerınıñ konsullıqqa kertelmäwen dä cäncal dip bäyäläde.

Ömär Çälik Soğud Ğaräbstanı öçen iñ döres yulnıñ açıq räweştä bu barışqa öleş kertü buluın citkerde.

Ul Soğud Ğaräbstanınıñ bu mäs’älädä xezmättäşlek kürsätmäwenä reakśiya belderde.