“Aq” partiyäneñ İstanbul şähär xakimiyäte başlığı namzäte - Binali Yıldırım

 Törkiyä ilbaşı Räcäp Tayyip Ärdoğan 2019 nçı yılnıñ 31 nçe martında uzaçaq cirle saylawda partiyäseneñ İstanbul şähär xakimiyäte belän ilçä başlıqları namzätlären tanıtu cıyılışında çığış yasadı.

İstanbulda Sinan Ärdäm isemendäge sport zalında uzğan cıyılışta Ärdoğan “Ğadälät häm qalqınu” partiyäseneñ (“Aq”partiya) İstanbul şähär xakimiyäte başlığı namzäteneñ Binali Yıldırım buluın citkerde.

 Ul üz çığışında Törkiyä iq’tisadınıñ torışına da tuqtaldı häm iq’tisadta balans, tigezlek urnaştıru barışınıñ konkret näticälären kürä başlawlarına basım yasadı.

 Ärdoğan:”Êksportta 170 milliard dollar belän inşallah rekor quyarbız”,-dide.

Cıyılışta cirle häm xalıqara matbuğattan şaqtıy jurnalist ta qatnaştı