Ruhanine Ärdoğan qarşı aldı
Başqala Änkarağa çärşämbe könne kilgän İran lideri öçen räsmi qarşı alu tantanası oyıştırıldı
İlbaşı Räcäp Tayyip Ärdoğan İran Däwlät başlığı Hasan Ruhanine İlbaşı idaräse qolliyäteneñ töp kerü qapqasında qarşı aldı.
Ärdoğan häm Ruhanineñ tantana mäydanındağı urınnarın aluınnan soñ ike ilneñ gimnnarı yañğıradı, 21 tup yädräse atıldı.
Qunaq Däwlät başlığı Ruhani saqçılar polkın "Märhaba ğaskär" dip sälamläde. Tantanada tarixta tözelgän 16 törek däwläten wäkillek itüçe bayraqlar häm ğaskärilär dä qatnaştı.
Üz-ara küreşkännän soñ Yuğarı däräcäle xezmättäşlek şurasınıñ utırışı ütkäreläçäk.
Kileşülärgä imza saludan soñ Ärdoğan häm Ruhani urtaq matbuğat oçraşuın uzdıraçaq.
İlbaşı Ärdoğan qunaq xörmätenä räsmi aş mäclesen oyıştıraçaq.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä
