Bodrumda köymä battı

Törkiyädä Bodrum rayonı tiräsendä qaçaqlar utırğan köymä battı. Anda 1 keşeneñ ülüen xäbär itälär. 10sın qotqarğannar.

Köymäneñ batuı turındağı xäbärne yar buyı iminlege korvetına Panama bayraqlı säwdä köymäse xäbär itä. Alar diñgezdän keşe tawışları kilüen belderä.

Waqıyğa urınına barıp citkän törkem öleşlärgä ayırılğan köymäne kürep ala. Anıñ tiräsendäge keşelärne qotqaralar. Alarnıñ 4se süriyäle, 4se fälästinle häm 2se Misırdan. Êzläw waqıtında süriyäle ir-atnıñ üle gäwdäse tabıla.