Anıtqaberdä çiratlar
Atatörk mavzoleyena kilüçelär qarañğı töşkäç tä özelmäde
1085528
Törkiyä cömhüriyäten tözegän Mostafa Kämal Atatörkneñ wafat buluına 80 yıl tulu uñayınnan anıñ Änkaradağı mavzoleye kiçä bik soñ ğına yabıldı. Anıtqabergä kilüçelär töngä qadär özelmäde.
İrtän anı ilbaşı Räcäp Tayyip Ärdoğan citäkçelegendäge däwlät delegaśiyäse qatnaşında räsmi tantana belän açtılar. Köne buyı Törkiyäneñ törle şähärlärennän kilüçelär mavzoleyğa ağıldı. Xalıq qarañğı töşkäç tä küp ide. Hawanıñ suıqlığına da iğ’tibar itmiçä, Atatörkneñ ruxına doğa ittelär häm tın qalıp basıp tordılar. Komplekstağı muzeylarğa ozın çiratlar tezelde. Anıtqaberdäge dinamiklardan Atatörkneñ tawışı yañğırap tordı.