Êmpayr stêytta Törkiyä bayrağı

Amerika Quşma Ştatlarınıñ N’yu-York şähäre simvolları arasındağı Êmpayr stêyt binası Törkiyä cömhüriyäte tözelüneñ 95 yıllığı uñayınnan qızıl-aq töslärgä kerde. Manaranı maxsus utlar belän Törkiyä bayrağı töslärendä yaqtırttılar.

Şähärdä törek wäqalätle oyışmaları tarafınnan räsmi çara ütte. Anda qunaqlarnı Törkiyäneñ Berläşkän Millätlär oyışması daimi wäkile Färidun Sinirlioğlu häm N’yu-Yorktağı konsul Alper Aqtaş qabul itte. Tantana ike däwlätneñ milli gimnnarı başlandı. Soñınnan ilbaşı Räcäp Tayyip Ärdoğannıñ 29nçı oktyabr’ Cömhüriyät bäyräme yullaması uqıldı.  

Färidun Sinirlioğlu isä çaradağı çığışında Törkiyäneñ 1923nçe yıldan bügengä qadär zur uñışlarğa ireşüen häm xäzerge waqıtta bik küp mäydanda köçle häm böyek däwlät buluın äytep uzdı.