Cämal Qaşıqçı êşe buyınça tikşerülär däwam itä

2nçe oktyabr’dän birle xäbärsez yuğalğan Soğud Ğaräbstanı jurnalistı Cämal Qaşıqçı êşe buyınça tikşerülär däwam itä.

 Soğud Ğaräbstanınıñ İstanbuldağı konsullığı torağında kiçä kiç bulırğa tiyeşle tikşerülär kiçekterelde.  Bina qarşında cirle häm çit il matbuğat wäkilläre kötüdän tuqtamıy.

Poliśiyä häm waqıyğa urının centekläw törkemnäre konsullıq binasında öçençe kön 9 säğat’tän artıq tikşerü ütkärde. Anıñ waqıtında “Lyuminol” dip ataluçı ısul belän yaqtırtılğannan soñ ximik matdä yärdäme belän bina êçendä küp sanda DNK küzänäkläre tuplandı. Xätta bina belän bäyle bulğan kanalizaśiyä çoqırlarınnan da ürnäklär alınuın belderälär. Poliśiyä konsullıq baqçasındağı tufraqnı centekläp tikşerde. Binanıñ çüpleklären häm tartmalarnı aqtardılar.

Tabılğan dälillär kriminalistika laboratoriyäsenä cibärelde.

Yabulı garaj häm konsullıq binası qullanğan su qoyısınıñ da tikşereläçägen äyttelär.

İminlek xezmäte wäkilläre beldergänçä, Soğud Ğaräbstanınıñ İstanbuldağı baş konsulı Möxämmät äl Utäybineñ Törkiyädän kitüe êşkä kirtä bulmağan. Waqıyğanı açıqlaw öçen çiktän tış ğayrät kürsätelgän.

Soğud Ğaräbstanınıñ İstanbuldağı baş konsulı kiçä kiç ilenä qaytıp kitte.