Çavuşoğlu Venesuêlada

Törkiyä tışqı êşlär ministrı Mäwlet Çavuşoğlu Venesuêladağı räsmi säfäre waqıtında ilbaşı Ärdoğannıñ milli aqçalar belän säwdä itü çaqıruın qabat iskä töşerde. Ul Karakasta wazıyfadaşı Xorxe Arreaza belän oçraştı. Anda Çavuşoğlu: “AQŞ idaräse dollarnı höcüm çarası bularaq qullanğan öçen başqa illär üzara säwdädä cirle aqçaların äyläneşkä kertergä teli. Aqça berämlege başqa däwlätlärneñ iq’tisadlarına höcüm itü öçen qullanılırğa tiyeş tügel,”-dide.

Ul Törkiyäneñ dä başqa illär, şul isäptän, Venesuêla belän dä säwdä mönäsäbätlärendä cirle aqçanı qullanırğa teläwen belderde.

Ministr Çavuşoğlu AQŞ höcümnärenä duçar bulğan Törkiyäneñ başın imäwenä dä iğ’tibar cälep itte. Ul ilneñ iq’tisadnı tağın da totrıqlı itü öçen kiräkle çaralarnı kürüen belderde.

Çavuşoğlunı soñınnan viśe-prezident Delsi Rodrigez häm Venesuêla däwlät başlığı Nikolas Maduro qabul itte. Ministr bu oçraşularğa bäyä birep: “İke däwlät arasında qardäşlek mönäsäbätläre bar häm bu awır zamannarda ber-berebezgä teräk bulunı tağın da arttıraçaqbız, Bez härtörle şartlarda Venesuêla däwläte häm xalqı yanında bulaçaqbız,”-dide.