İbrahim Kalınnıñ İdlib turında belderüe

İlbaşı idaräse süzçese İbrahim Kalın Süriyäneñ İdlib töbägenä höcümnärneñ xäzergä qadär däwam itkän säyäsi prośessnı yuqqa çığaraçağın, ışanıçnı yuğaltuğa kiteräçägen söyläde. Ul ministrlar şurası cıyılışınnan soñ belderü yasadı.

İbrahim Kalın dön’ya cämäğat’çelege, Könbatış illäre, AQŞ häm kürşe däwlätlärgä möräcäğat’ itep, bu mäs’älädä bergäläp häm koordinaśiyä êçendä İdlibkä bulaçaq höcümne tuqtatırğa çaqırdı. “Süriyä mäs’äläsendäge barlıq qızıqsınuçı yaqlarnıñ aldağı könnärdä konstruktiv öleş kertäçäk totışta buluların kötäbez,”-dide Kalın.