Törkiyӓ höcümne ğayeplӓde
Qorallı höcümdӓ 2 iminlek xezmӓtkӓre ülde, 10 keşe yaralandı
Törkiyӓ Liviya başqalası Tripolidӓ Liviyaneñ Milli neft’ oyışmasına oyıştırılğan terror höcümen ğayeplӓde.
Tışqı êşlӓr ministrlığınnan yasalğan yazma açıqlawda: “Liviyaneñ totrıqlılıq hӓm mullığı cӓhatennӓn zur ӓhӓmiyӓtkӓ iyӓ bulğan bu oyışmağa qarata başqarılğan ӓlege terror höcümen qırıs rӓweştӓ ğayeplibez,” – dip ӓytelde.
Tripolidӓ Milli neft’ şirkӓte binasında kiçӓ barlıqqa kilgӓn terror höcümendӓ ülüçe hӓm yaralanuçılarnıñ buluınıñ borçuğa saluı citkerelgӓn açıqlawda tübӓndӓge yullar urın aldı: “Höcümdӓ yaqtı dönyadan kitüçelӓrgӓ Allahtan yarlıqaw, dus Liviya xökümӓte belӓn qardӓş Liviya xalqınıñ qayğısı belӓn urtaqlaşabız, yaralanuçılarğa şifa telibez.”
Tripolidӓge Milli neft’ oyışmasına kiçӓ oyıştırılğan qorallı höcümdӓ 2 iminlek xezmӓtkӓreneñ ğomere özelde, 10 keşe yaralandı.