Tışqı êşlär ministrı Qazanda oçraşularda qatnaştı
Anı biredä ilbaşı Röstäm Miñnexanov häm däwlät kiñäşçese Mintimer Şäymiyev qabul itte
Törkiyä tışqı êşlär ministrı Mävlüt Çavuşoğlu Mäskäwdäge oçraşuların tögällägännän soñ Tatarstan başqalası Qazanğa kitte.
Anı biredä ilbaşı Röstäm Miñnexanov qabul itte.
Oçraşudan soñ belderülär yasağan Çavuşoğlu Mäskäwdä Rusiya Federaśiyäse tışqı êşlär ministrı Sergey Lavrov belän bik näticäle cıyılış ütkärülären assızıqladı.
Annan soñ däwlät başlığı Vladimir Putin belän küreşülären beldergän Çavuşoğlu, bu oçraşunıñ da bik uñay uzuın ,regional’ häm ike yaqlı mäs’älälär xaqında söyläşülären citkerde.
Mävlüt Çavuşoğlu:” İke il arasındağı oçraşular çınnan da Törkiyä häm Rusiyä belän bergä töbäk iminlege häm totrıqlılığı öçen dä zur ähämiyätkä iyä”,-dide.
Rusiyäneñ Törkiyä öçen möhim partnyer buluın beldergän Çavuşoğlu Mäskäwdän soñ Qazanğa kilüennän bik qanäğät’ buluın citkerde.
Tatarstan ilbaşı Röstäm Miñexanov isä :”İnvestiśiyälär belän bergä küp sanda törek şirkäte törle tarmaqlarda aktiv räweştä êşçänleklären däwam itterä. Törkiyä belän Tatarstan arasındağı säwdä küläme uzğan yıl 40%qa arttı. Kiläçäktä şaqtıy urtaq proyektlarnı bergä ğamälgä aşıruıbızğa ışanam. Qayber êşlänmalärebezneñ Törkiyä bazarına ütep kerüe öçen tırışabız. Bu yünäleştä Törkiyä räsmi zatları bezgä zur yaqlaw kürsätä, alarğa räxmätläremne citkeräm”,-dide.
Törkiyä tışqı êşlär ministrı Mävlüt Çavuşoğlu säfär qısasında Tatarstan cömhüriyäte däwlät kiñäşçese häm berençe ilbaşı Mintimer Şäymiyev belän dä küreşep söyläşte.
Şulay uq tarixi Bolğar şähäre häm Bolğar İslam akademiyäse xaqında mäğ’lümat aldı.
