Törkiyä belän Qatar kileşü imzaladı
15 milliard dollarlık investiśiya paketın çınğa aşırıla
1035331
Qatarnıñ Törkiyӓgӓ qarata 15 milliard dollarlık investiśiya paketın çınğa aşıru qararınıñ berençe adımı yasaldı.
Törkiyӓ Cömhüriyӓte Üzӓk bankı belӓn Qatar Üzӓk bankı arasında Doxada oyıştırılğan tantanada İker yaqlı Swap kileşüe imzalandı.
Kileşü Törkiyӓ Cömhüriyӓte Üzӓk bankı başlığı Murat Çӓtinkaya hӓm Qatar Üzӓk bankı başlığı Abdullah Bin Saud Al-Thani tarafınnan imzalandı.
İmza tantanasında hӓr ildӓn rӓsmi zatlar qatnaştı.
Ӓlege kileşü yӓrdӓmendӓ ike il arasında cirle aqça berӓmleklӓre belӓn çınğa aşırıluçı sӓwdӓneñ qulaylaştırıluı belӓn ber rӓttӓn finans totrıqlılıqqa yӓrdӓm maqsat itelӓ.
Kileşü il rezervlarınıñ nığıtıluına da öleş kertӓçӓk.
Kileşü qısalarında berençe êtapta qullanılaçaq çığanaqnıñ 3 milliard dollarlık buluı kötelӓ.
