Mӓxmӓt Öz Süriyӓgä bardı
Tanılğan törek xirurgı Azӓz töbӓgendӓ qayber balalarnı qarap çıqtı
AQŞta yӓşӓwçe tanılğan törek xirurgı Mӓxmӓt Öz Süriyӓneñ Azӓz töbӓgendӓge qayber balalarnı qarap çıqtı.
Törkiyӓ Ministrlar kabinetınıñ Ğadӓttӓntış xӓllӓr rӓislege AFAD oyıştıruçanlığında Törkiyӓgӓ kilgӓn Öz Gaziantӓptӓge söylӓşülӓrennӓn soñ AFAD başlığı Mӓxmӓt Güllüoğlu hӓm dośent, doktor Xalit Yӓrӓbakan belӓn Öncüpınar tamğaxanӓ qapqasınnan uzıp, Süriyӓgӓ kitte.
Törek qorallı köçlӓre 2016 yılnıñ 24 avgust könne başlanıp, 7 ay barğan “Fӓrat qalqanı” xӓrӓkӓte belӓn bӓysezlekkӓ qawışqan Azӓz töbӓgenӓ yul totqan tabib monda Törkiyӓneñ yӓrdӓmnӓre belӓn barlıqqa kiterelgӓn xastaxanӓ hӓm mӓktӓplӓrne gizde.
Xastaxanӓ baqçasında öyendӓ bombalanuı nӓticӓsendӓ tӓneneñ zur öleşendӓ yaralar barlıqqa kilgӓn 13 yӓşendӓge Musenna Asi belӓn oçraşqan Mӓxmӓt Öz anın tӓnen qaradı.
Tabib balanıñ dӓwalanuı belӓn bӓyle mӓğlümat aldı, operaśiya mӓs’ӓlӓsendӓ törkeme belӓn fiker alıştı hӓm balanı rӓsemgӓ töşerde.
Soñınnan balalarğa bülӓklӓr taratqan törek xirurgı Yasin ğailӓsenӓ dӓ qunaq buldı.
