Ant itü tantanasına kilälär

24nçe iyün’ saylawında 52% tawış alıp yañadan İlbaşı bulıp saylanğan Räcäp Tayyip Ärdoğannıñ 9nçı iyül’dä ütkäreläçäk ant itü tantanasında 17 ilneñ däwlät başlığı qatnaşaçaq.

Venesuêla, Qazaqstan, Makedoniya, Gvineya, Somali, Zambiya, Bosniya-Hersegovina, Bolgariya, Görcestan (Gruziya), Paqıstan, Qırğızstan, Ukraina ilbaşları däräcäsendä qatnaşaçaq tantanada küp sanda ilneñ parlament häm xökümät başlıqları da qatnaşaçaq.

İlbaşı Ärdoğan tantanadan soñ qunaqlarnıñ xörmätenä kiçke aş mäclesen oyıştıra.

İlbaşı (prezident) xökümät sisteması Ärdoğannıñ ant itüe belän räsmi räweştä başlağan bulaçaq.