Çit illärdä tawış (tavış) birü
Törkiyädä 24nçe iyün’dä ütkäreläçäk ilbaşı häm xalıq ışanıçlısı saylawları öçen çit illärdä häm tamğaxanälärdä (tamojnyalarda) tawış birüçe saylawçı sanı 1 million 228 meñgä citte
Çit ildä 7nçe iyün’dä başlanğan tawış birü barışı şaqtıy urında tämamlandı.
Çit illärdäge törek saylawçıları atna axırında tawış birügä zur iğ’tibar kürsätte.
Germaniyada bäyräm yalı häm atna axırınıñ yoğıntısı belän dä töreklär küpläp yäşäwçe Düsseldorf häm Kölndä baş konsullıqlar aldında ozın çiratlar barlıqqa kilde.
İldä atna axırında tawış birgän saylawçı sanı 500 meñnän uzıp rekord quydı.
Yuğarı saylaw şurası başlığı Sadi Güvän çit illärdä häm tamğaxanälärdä tawış qullanğan saylawçı sanınıñ 1 million 227 meñ buluın belderde.
Töreklär küpläp yäşäwçe Germaniyada, Niderlandta, Angliyada, Şveyśariyada, Bel’giyädä, Awstriyada häm Franśiyädä tawış birü sişämbe kiçenä xätle däwam itä.
Amerika Quşma Ştatlarında 100 meñ saylawçıdan 31 meñ 500e tawışın birgän bulsa, saylawda qatnaşu küläme 31% bularaq tormışqa aştı.
Tawış ärcäläre Törek hawa yullarına bäyle oçqıçlar belän Törkiyägä kitereläçäk.
Bu tawışlar 24nçe iyün’dä Törkiyädäge tawışlarnı sanaw êşläre betkännän soñ sanalaçaq.
