19 nçı may qotlawları

Bügen-19 nçı may.

Törkiyädä olı yulbaşçı Mostafa Kämal Atatörekneñ Samsunğa kilep milli köräşne başlatuınıñ 99 yıllığı bilgeläp ütelä.  

19 nçı may-Atatörekne iskä alu,yäşlär häm sport bäyräme Törkiyä külämendä, Tön’yaq Kipr Törek Cömhüriyätendä häm çit illärdäge wäkilçeleklärdä qotlana.  

Başqala Änkarada yäşlär häm sport ministrı Osman Aşkın Bak 81 vilayät’tän kilgän yäşlär belän bergä Anıtqabergä bardı.

Atatorek mavzoleyına çäçäklär quyğannan soñ böyelk lider 1 minut tınlıq belän iskä alındı.

Törkiyäneñ milli gimnı ”Bäysezlek marşı” yañğırağannan soñ Osman Aşkın Bak Anıtqaber maxsus däftären imzaladı.

Yäşlär häm sport ministrı däftärgä tübändägelärne yazdı:”Ğaziz Atatörek! Sez 1919 nçı yılnıñ 19 nçı mayında başlatqan azatlıq köräşe Törkiyä tarixınıñ möhim borılış noqtalarınnan berse buldı. Törkiyäne zamança śivilizaśiyälär däräcäsennän uzdırıp cibärü öçen yäşlärebez belän bergä zur tırışlıq kürsätäbez. Yäşlärgä bülägegez bulğan 19 nçı may –Atatörekne iskä alu ,yäşlar häm sport bäyräme mönäsäbäte belän sezne häm barlıq qaharmannarıbıznı xörmät belän iskä alam”.

81 vilayättän Änkarağa kilgän yäşlärne ilbaşı Räcäp Tayyip Ärdoğan da qabul itäçäk.

19 nçı may –yäşlär häm sport bäyräme uñayınnan İstanbul, İzmir häm başqa şähärlärdä dä törle çaralar uza.