İzraildäge ilçe Änkarağa çaqırıldı
Törkiyäneñ AQŞ häm İzrail ilçeläre başqalağa çaqırıldı
Baş ministr (prem'er-ministr) urınbasarı häm xökümät süzçese Bäkir Bozdağ İzrailneñ Amerika Quşma Ştatları ilçelegeneñ Qudüs-Yerusalimgä küçerelüe waqıtında ütergän fälästinnär öçen 3 kön milli matäm qararınıñ qabul itelüen äytte.
Ministrlar Şurası cıyılışınnan soñ belderü yasawçı Bäkir Bozdağ: "Fälästinlelär belän teläktäşlek êçendä bulu, şähitlärne xörmät belän iskä alu maqsatınnan çığıp öç kön milli matäm iğ’lan itelüe qararına kilende”, - dip äytte.
Bozdağ Törkiyä Böyek Millät Mäclesendä Qudüs-Yerusalim belän bäyle bularaq maxsus utırışnıñ ütkäreläçägen dä belderde.
Bozdağ Amerika Quşma Ştatları häm İzraildäge tulı wäqalätle ilçelärneñ kiñäşläşü öçen başqala Änkarağa çaqırıluı mäğ’lümate belän dä urtaqlaştı.
Bäkir Bozdağ Törkiyäneñ çirattağı räis wazıyfasın başqarğan İslam xezmättäşlek oyışmasın comğa könne çirattan tış cıyılışqa çaqıraçağın da açıqladı.
