Ärdoğannıñ Qor’ängä qul suzuçılarğa cawabı

İlbaşı Räcäp Tayyip Ärdoğan Franśiyanıñ Qor’änne üzgärtü taläbenä kisken cawap birde. Ul Ğadalät häm Qalqınu partiyäseneñ Törkiyä Böyek Millät Mäclese törkem cıyılışında çığış yasadı. Ärdoğan Franśiyada 300 keşe tarafınnan imzalanğan möräcäğat’kä mönäsäbäten belderde. Alar arasında êlekkege ilbaşı Nikola Sarkozi da bar. Alar Qor’än-i-Kärimnän qayber ayät’lärne alıp taşlarğa çaqıra. Ärdoğan: “Ğomerlärendä üz kitapları İncil, Täwrat, Psaltır’ne uqığan mikän alar?! Ägär uqısalar, möğayen, üz Kitapların da tıyarğa telärlär,”-dide.

Şulay uq, ul töreklärneñ bu provakaśiyägä birelmäyäçägen häm cawap itep başqalarnıñ izge qıymmätlärenä qağılmayaçağın belderde.