İlbaşı Üzbäkstanğa säfär qıla

Törkiyä ilbaşı Räcäp Tayyip Ärdoğan Üzbäkstan ilbaşı Şäwkät Mirziyayevnıñ çaqıruı belän bügen älege ilgä kitä.

İlbaşı idaräseneñ matbuğat üzäge beldergänçä, 29 nçı aprel’-1 nçe may könnärendä uzaçaq säfär qısasındağı oçraşularda ike yaqlı mönäsäbätlärne tağın da üsterü yünäleşendä  yasalaçaq adımnar qaralaçaq ,şulay uq regional’ täräqqiyät’lär dä söyläşeläçäk.

Törkiyä ilbaşı Taşkentta Üzbäkstan parlamentında çığış yasayaçaq,soñraq ilbaşı Mirziyayev belän bergä Êş forumında qatnaşaçaq. 

Ärdoğannıñ 1 nçe mayda Boxara qalasında da oçraşular ütkärüe kötelä.

Törkiyä ilbaşı 2-3 nçe may könnärendä isä Könyaq Koreyağa räsmi säfär yasayaçaq.

Könyaq Koreya säfäre qısasındağı söyläşülärdä ike yaqlı mönäsäbätlär ,regional’ häm xalıqara mäs’älälär qaralaçaq.