İlbaşı xökümät sisteması paketı parlamentta

 İlbaşı xökümät sisteması belän bäyle 10 maddädän torğan paket Törkiyä Böyek Millät Mäclese räislegenä tapşırıldı.

Ul ilbaşı xökümät sistemasın küzdä totuçı tärtipkä salularnı üz êçenä ala.

Alardan kürengänçä, ilbaşı namzätläre xalıq ışanıçlısı bula almıy.

İlbaşı saylawı belän xalıq ışanıçlısı ğomum saylawı 5 yılda ber tapqır ber ük waqıtta ütkäreläçäk.

Biredä şulay uq ilbaşı namzätleıge belän bäyle neçkäleklär dä urın ala.

Soñğı saylawda kim digändä 5% tawış cıyğan säyäsi partiyälär namzät täq’dim itäçäk,yäisä 100 meñ saylawçınıñ tawışı belän namzät kürsätü mömkin bulaçaq.  

Namzätlär monıñ öçen Yuğarı saylaw komissiyäsenä möräcäğät’ itäçäk.

Saylawçılar da şäxes tanıqlığı belän ilçä saylaw oyışmalarına namzätlegen täq’dim itä ala.

Täq’dimdä xalıq ışanıçlısı sanın 550 dän 600 gä citkerü ,saylanu yäşeneñ 18 buluı belän bäyle maddälär dä bar.

Paketta çit illärdäge saylawçılarnı qızıqsındıruçı tärtipkä salular da urın ala.

Çit ildä tawış birü saylaw könennän 45 kön êlek başlanaçaq häm saylawğa 7 kön qala tögällänäçäk.

Paketnıñ sişämbe könne parlament ğomum şurasında qaraluı kötelä.