Yıldırım: “Waqıtınnan êlek saylaw qararına kilende”
2018nçe yılnıñ 24nçe iyün’ yäkşämbe könne Däwlät başlığı häm xalıq ışanıçlısı saylawı bergä uzdırılaçaq
Premyer-ministr Binali Yıldırım Çankaya utarında matbuğat belderüen yasadı.
Yıldırım: “İlebez aldındağı täräqqiyätlär arqasında waqıtınnan êlek saylaw qararına kilende”, - dip äytte.
Yıldırım 2017nçe yılnıñ 16nçı aprel’ könge töp qanun häm xökümät sistemasına üzgäreşlär kertelüe belän bäyle referendumnan soñ yäşängän barışta, il aldında torğan iminlek problemaları da küz aldına alınıp, mondıy qararnıñ qabul itelüen belderde.
Yuğarı saylaw şurası başlığı Sadi Güvän isä 24nçe iyün’dä ütkäreläçäk saylawlar öçen äzerlekläreneñ tämam buluın citkerde.
Yuğarı saylaw şurası başlığı, Törkiyä parlamentında qabul iteläçäk saylaw qanunın kötäçäklären belderep:
“Törkiyä Böyek Millät Mäclesennän qanun çıqqan täqdirdä töp qanun nigezendä İlbaşı saylawı belän bergä ike saylawnı bergä ütkäräçäkbez. Saylaw kalendar planın äzerläw başlandı, 1-2 kön êçendä tämamlap, barışnı başqaraçaqbız”, - dip äytte.
İlbaşı Räcäp Tayyip Ärdoğan İlbaşı qolliyäsendä çärşämbe könne oyıştırğan matbuğat oçraşuında waqıtınnan êlek saylaw köneneñ 2018nçe yılnıñ 24nçe iyün’ buluın açıqlağan ide.
