“Törek Qızılayı” Kärküktä

“Törek Qızılayı” oyışması Ğiraqnıñ (Ğıyraqnıñ) Kärkük şähärenä bäyle Dakuk rayonında ixtıyacı bulğan ber meñ ğailä belän 500 yätim balağa azıq-tölek häm kiyem-salım yärdämen citkerde.

“Törek Qızılayı”nıñ Ğiraq (Ğıyraq) delegaśiyası başlığı Mäxmät Murat Özgüvän: “Tübän kereme bulğan ber meñ ğailägä azıq-tölek häm 500 yätim balağa kiyem-salım alıp kildek”, - dip äytte.

Taratılğan azıq-tölek paketlarına töbäk rizıqlarına turı kilä torğan äyberlärneñ dä östälüen assızıqlawçı Özgüvän: ''Kiyem paketları tulısınça balalar öçen ayaq kiyeme, külmäk, futbolka häm sviterdan tora,” – dip äytte.

Özgüvän ayıruça uraza ayı öçen dä azıq-tölek yärdäme belän bergä iftar häm yätimnärgä yärdäm kebek bertörkem êşçänlek buluın assızıqlap äytep uzdı.