Yıldırım Makronğa reakśiya belderde

Törkiyӓ prem’yer-ministrı Binali Yıldırım Franśiya dӓwlӓt başlığı Êmmanuêl’ Makronnıñ terror oyışmaları belӓn bӓyle Törkiyӓgӓ yasağan skandal tӓqdimen qırıs rӓweştӓ ğayeplӓde.

İzmirdӓ çığış yasağan Yıldırım: “Törkiyӓ terrorçılar belӓn söylӓşü ütkӓrmӓs, qul bireşmӓs, yuqqa çığarır,” – dide.

Yıldırım hӓrwaqıt mazlum hӓm ğayepsez keşelӓr yanında bulğan Törkiyӓneñ terror oyışmaları belӓn berqayçan da xezmӓttӓşlek başqarmayaçağın ӓytte.

Binali Yıldırım tübӓndӓgeçӓ citkerde: “Awrupa qimmӓtlӓreneñ üzӓge sanalğan Franśiya terrorçılarğa qoçaq aça. Ütkӓndӓ Bosniya-Gerśegovinada qoyıluçı qanğa bitaraf qaluçılar bügen Yaqın Könçığışta Süriyӓdӓ qoyıluçı qanğa bitaraf. İslam hӓm Törkiyӓgӓ qarata doşmanlıqların, nӓfrӓtlӓren yӓşermilӓr. Franśiya ilbaşı Makron Franśiya bularaq terror oyışmaları belӓn Törkiyӓne tatulaştırırğa uylıy. Siña bu wӓqalӓtne, bu wazifanı kem birde?”

Törkiyӓ öçen Süriyӓ xalqına zolım itüçe barlıq terror oyışmalarınıñ ber ük buluın beldergӓn Yıldırım Makronnıñ terror oyışmaları arasında sud’ya bulırğa telӓwen belderep: “Törkiyӓneñ terrorçılar belӓn bernindi êşe bulmas,” – dide.