"Bez ilneñ berlege hӓm cir bötenlege yaqlı"

Törkiyӓneñ tışqı êşlӓr ministrı Mӓwlüt Çavuşoğlu Süriyӓneñ cir bötenlege hӓm möstӓqillegen Törkiyӓdӓn kübrӓk xuplawçı il bulmawın ӓytte.

Çavuşoğlu: “Töbӓk hӓm başqa urında Süriyӓneñ cir bötenlegen hӓm möstӓqillegen Törkiyӓdӓn kübrӓk xuplawçı il yuq. Soçi hӓm Astanadağı bӓyan hӓm urtaq beldergelӓrgӓ küz salsaq, monı kürersez. Bez ilneñ berlege hӓm cir bötenlege yaqlı,” – dide.

Mӓwlüt Çavuşoğlu” Ӓl Cӓzirӓ” televideniyesenӓ birgӓn interv’yusında kön tӓrtibe belӓn bӓyle sorawlarğa cawap birde.

Süriyӓdӓ törle terrorçı törkemnӓreneñ buluın beldergӓn Çavuşoğlu Törkiyӓneñ Afrinda terror oyışmalarına qarağan “Zӓytün botağı” xӓrӓkӓteneñ uñışlı baruın, qaçaq hӓm yortlarınnan quılğan keşelӓr öçen imin töbӓk barlıqqa kiterüen ӓytte.

AQŞ hӓm qayber Awrupa illӓreneñ PYD/PKK terror oyışmasına qoral birülӓrenӓ iğtibarnı cӓlep itkӓn Çavuşoğlu: “Ayıruça terrorçılıq belӓn körӓşebez belӓn ber rӓttӓn ikele standartnı hӓr cirdӓ kürӓbez,” – dide.

Süriyӓdӓ sӓyӓsi çişeleşkӓ ireşmiçӓ alanda ireşelgӓn bernindi uñışnıñ dӓwam itterelӓ alınmayacağın assızıqlağan Çavuşoğlu: “İke tarafqa da yünӓlergӓ tiyeş bez. Astana hӓm sӓyӓsi barış,” – dide.