“Xäräkät legal’ saqlanu qısasında alıp barıla”

General Hulusi Akar “Zäytün botağı” qısalarında Hatay töbägenä barıp xäräkätneñ barışın qaradı.

Ğomum ştabtan birelgän mäğlümatkä kürä, general Akar belän bergä Ciröste köçläre komandirı armiya generalı Yaşar Gülär, Diñgez köçläre komandirı viśe-admiral Adnan Özbal häm Hawa köçläre komandirı general Hasan Küçükakyüz da bardı.

Xäräkätneñ “PKK/KCK/PYD-YPG” häm “DEAŞ” terror oyışmaların täêsirsez xälgä kiterü maqsatınnan çığıp ütkärelüen belderüçe Ğomum ştab başlığı armiya generalı Hulusi Akar: "Törek qorallı köçläreneñ êşçänlegen Berläşkän Millätlär Oyışması kileşüeneñ 51nçe maddäsendäge "Legal’ saqlanu xoquqı” häm BMO İminlek şurasınıñ terrorçılıq belän köräşkä qağılışlı qararları qısalarında xalıqara xoquqtan tuğan xaq-xoquqları nigezendä alıp baruın, xäräkät waqıtında barı tik terrorçılarğa qarağan maqsatlarnıñ bombalanuın, tınıç xalıqnıñ/gäyepsez keşelärneñ zarar kürmäwe öçen härtörle iğ’tibarnıñ häm sizgerlekneñ kürsätelüen” äytte.

Êşçänlekneñ Süriyäneñ cir bötenlegenä ixtiramlı räweştä alıp barıluına basım yasawçı general Akar xäräkätneñ ber maqsatınıñ da dus häm qardäş töbäk xalqın terrorçılarnıñ basımınnan häm zolımınnan qotqaru buluına işarä itte.

General Akar xäräkät qısalarında kürsätkän batırlıq häm fidaqärlek öçen personalın qotladı häm uñışlar teläde.