İlbaşı telefonnan söyläşülär ütkärde

Törkiyä ilbaşı Räcäp Tayyip Ärdoğan Germaniya Federal’ Cömhüriyäte ilbaşı Frênk – Val’ter Ştaynmayer häm Fälästin däwlät başlığı Mahmud Abbas belän telefonnan söyläşte.

Söyläşülärdä Berläşkän Millätlär Oyışması iminlek şurasında qabul itelgän qararnıñ Amerika Quşma Ştatlarınıñ Yerusalim mäs’äläsendäge bäyanınıñ xoquqqa qaşı buluın kürsätüenä basım yasaldı.

Tawışqa quyu näticäseneñ töbäk tınıçlığı häm totrıqlılığı cähätennän zur ähämiyätkä iyä bulğan Yerusalim mäs’äläsendä BMO qararlarına häm xalıqara xoquqqa bäylelekne dä bik açıq kürsätüe assızıqlandı.

Törkiyä ilbaşı  Germaniya Federal’ Cömhüriyäte  ilbaşı Frênk – Val’ter Ştaynmayerga qararğa xuplaw kürsätkän öçen räxmätlären citkerde.

Tawışqa quyuda Awrupa Berlege illäreneñ dä sizger totış kürsätülärennän qanäğät’ buluın belderde.

Ärdoğan häm Ştaynmayer ike il mönäsäbätlären üsterü öçen ike yaqlı tırışlıqnıñ ähämiyätenä dä basım yasadı.

Ärdoğan häm Fälästin däwlät başlığı Abbas AQŞnıñ Yerusalim mäs’äläsendäge totışınıñ yalğış buluın böten dönyanıñ isbatlawın belderep, kiläse barışta Fälästin däwlätenä xalıqara arenada yaqlawnı köçäytü öçen koordinaśiyäle räweştä tırışlıq kürsätü öçen kileşte.