İlbaşınıň Farsı qultığı illärenä säfäre däwam itä

Törkiyä ilbaşı Räcäp Tayyip Ärdoğan Farsı qultığı illäre turınıň ikençe tuqtalışı bulğan Kuveytta ämir Şäyh Sabah äl-Ähmäd äl-Cabir äs-Sabah belän küreşep söyläşte.

Äs - Sabah Ärdoğannı Kuveyt xalıqara hawa mäydanında qarşı alğannan soň ike lider üzara küreşep söyläşte.

 Oçraşu matbuğatqa yabıq uzdı häm 1 säğät’ däwam itte.

Kuveyt räsmi xäbär agentlığı “KUNA” beldergänçä, oçraşuda töbäktäge soňğı täräqqiyät’lär häm urtaq problemalar söyläşelde, şulay uq ike yaqlı mönäsäbätlar häm ike il mänfäğät’läre belän bäyle mäs’älälär turında süz bardı.

Törkiyä ilbaşı Räcäp Tayyip Ärdoğan üz xörmätenä oyıştırılğan kiçke aş mäclesendä qatnaştı.

Dar Salwa sarayındağı kiçke aş mäclese dä matbuğatqa yabıq uzdı.