Yıldırım - Medvedev söyläşüe

Törkiyä prem’yer-ministrı Binali Yıldırım Qara diñgez iqtisadi xezmättäşlek oyışmasınıñ 25nçe Qorılış yıllığı oçraşuında qatnaşır öçen İstanbulğa kilgän Rusiyä prem’yerı Dmitriy Medvedev belän küreşep söyläşte.

Medvedev häm Yıldırım qul bireşkännän soñ söyläşülären matbuğatqa yabıq bularaq däwam itterde.

İke prem’yer soñınnan Törkiyä häm Rusiyä arasındağı säwdä ölkäsendäge kirtälärneñ beterelüe öçen açıqlanğan beldergeneñ imza tantanasında qatnaştı.

Beldergegä Törkiyä prem’yer-ministr urınbasarı Mäxmät Şimşäk belän Qara diñgez iqtisadi xezmättäşlek oyışması oçraşuı uñayınnan İstanbulğa kilgän rus xezmättäşe Arkadiy Dvorkoviç quydı.

Belderge ike yaqlı bularaq qullanılğan çikläwlärneñ beterelüen küzdä tota.

Säwdädäge çikläwlärneñ ike yaqlı bularaq beterelüenä qarağan säyäsi qarar Törkiyä ilbaşı Räcäp Tayyip Ärdoğan häm Rusiyä Federaśiyase däwlät başlığı Vladimir Putin 3nçe may könne Soçida ütkärgän söyläşüdä qabul itelgän ide.