Niderlandqa 4 sankŝiya qararı

Törkiyä ministrlar şurası Niderlandqa 4 sankŝiya qararı qabul itte.

Bu xaqta belderü yasağan prem’yer – ministr urınbasarı Numan Kurtulmuş Niderland belän yuğarı däräcäle mönäsäbätlärneň tuňdırıluın açıqladı.

Kurtulmuş Niderland başqarğan xatalı ğamällären tözätkängä qadär yuğarı däräcäle mönäsäbätlär häm planlaştırılğan cıyılışlarnıň ,räsmi oçraşu-söyläşülärne tuňdıru qararına kilülären citkerde.

Prem’yer-ministr urınbasarı Niderlandqa 2016 nçı yılnıň 27 nçe dekabrendä birelgän diplomatik oçış röxsäteneň dä tuňdırıluın häm Niderland tulı wäqalätle ilçeseneň Törkiyägä kilüeneň tıyıluın belderde.

Numan Kurtulmuş Niderlandqa qarata 4 nçe sankŝiyäneň Törkiyä Böyek Millät Mäclese belän Niderland parlamentı arasındağı duslıq törkemeneň Törkiyä öleşen ğamäldän çığaru mäs’äläsendä Törkiyä Böyek Millät Mäclesenä täq’dim yasaw qararı qabul itelüen äytte.

Niderlandta Törkiyä ministrlarına qarata totışlarnıň keşe xoquqlarına ,demokratiyägä häm Awrupanıň urtaq qimmätlärenä turı kilmäwen assızıqlawçı Kurtulmuş bu mäs’älägä bik borçıluların ,bu waqiğalarnıň mäğ’näsez buluına iğitibarbnı yünältte.

Prem’yer-ministr urınbasarı Törkiyäneň bu krizistan cawaplı bulmawına qaramastan qatği räweştä xäräkät itäçägen ,ike il xalqın qara qarşı kitermäs öçen tırışlıq kürsätäçägen belderde.

Niderland citäkçelege şimbä könne Törkiyä tışqı êşlär ministrı Mävlüt Çavuşoğlunıň oçqıçına hawa mäydanına töşü röxsäte birmäde , ğailä häm soŝial säyäsätlär ministrı Fatma Bätül Sayan Kayanı isä Törkiyäneň Rotterdamdağı baş konsullığına kertmägän ide.