Ut tuqtatu kileşüendä Törkiyä role mohim

Süriyädä biş yıl däwam itkän watandaşlıq suğışı tögälländeräçäk tarixı kileşüeneñ artınnan ut tuqtatu kileşüeneñ ildä ğämälğä kerüen kötelä.

Ut tuqtatu kileşüenä  ireşelüendä  Törkiyäneñ  tırışlıqlarınıñ  bik mohim role buldı.

Törkiyä tışqı êşlär ministrı Mäwlüt Çavuşoğlunıñ:

“Bez Süriyä mäsäläseneñ üzägendä torabız” süzläre Törkiyäneñ ut tuqtatu kileşüe barışındağı urının häm ähämiyäten qabat assızıqladı.

Mäwlüt Çavuşoğlu 30nçe dekabr könendä Alaniya jurnalistları cämğiyätendä oyıştırılğan matbuğat oçraşuında kiläçä ayda Qazaqstannıñ başqalası Astanada Süriyä  rejimı belän oppoziśionerlarnı oçraştıraçaq ciyılış häm ut tuqtatu kileşüe belän bäyle alıp barılğan söyläşülärneñ neçkäleklärne  urtaqlaştı.