"Poliśiyam yanında min"

İstanbulda 10nçı dekabr’ şimbä kiçen 30ı poliśiya xezmätkäre belän barlığı 38 keşe şähit bulğan, 155 keşe dä yaralanğan, maxsus iminlek törkemnären maqsat itep alğan xain terror höcümenä küp reakśiya belderelde.

Sośial’ mediada “poliśiyam yanında min” êtiketı belän iminlek köçlärenä xuplaw yullamarı yasaldı.

Säyäsätçelärdän alıp sänğatçelärgä qadär cämğiyätneñ här qatlamınnan şaqtıy keşe #PoliśiyamYanındaMin urtaq êtiketın qullandı.

Premyer-ministr urınbasarı Numan Kurtulmuş belän şaqtıy ministr da bu yullama belän xuplaw kürsätte.

İlbaşı idaräse başkiñäşçese, êlekke milli basketbolçı häm Törkiyädäge Basketbol Federaśiyaseneñ yuğarı däräcäle citäkçese Hidayät Türkoğlu da “Sport bezgä berdäm bulunı öyrätte… Bu qarañğı könnärdä iñgä-iñne quyaçaqbız! #PoliśiyabızYanındaBez#İñgä-iñne quydıq” yullamasın yasadı.

Kampaniya barı tik sośial’ media belän genä çiklänmäde.

Poliśiyane xuplarğa teläwçelär uram, mäxällä, êş urınında, yullarda wazifa başqaruçı poliśiya xezmätkärläreneñ qayğıları belän urtaqlaştı.

Xalıq iminlek köçlären Mäwlit kiçäse belän dä qotladı.