Binali Yıldırım Rusiyägä bara

Törkiyä premyer-ministrı Binali Yıldırım räsmi säfär belän düşämbe könne Rusiyä Federaśiyasenä bara.

Oçqıç krizisınnan soñ berençe tapqır Rusiyägä baraçaq premyer-ministr Binali Yıldırım däwlät başlığı Vladimir Putin belän küreşep söyläşäçäk.

Törkiyä premyerı Rusiyägä säfäre waqıtında Rusiyä premyer-ministrı Dmitriy Medvedev belän dä küreşäçäk. Söyläşülärdä ike il arasındağı säwdäneñ qabat krizistan aldağı çorğa qaytuı öçen yasalaçaq adımnar qaralaçaq.

Törkiyäneñ Rusiyägä iñ zur êksport uñışlarınnan bulğan pomidor beläñ ber rättän yäşelçä êksportındağı tıyunıñ beterelüe, säwdädä cirle valyutalarnıñ törek lirası häm rubl’nıñ qullanıluı, irekle säwdä töbägeneñ qorıluı häm turizm kebek başçalar da kön tärtibenä kiläçäk.

İke yaqlı söyläşülärdä Fätullahçı terror oyışması/parallel’ däwlät qorılışı belän köräş, Süriyä, Ğiraq häm Färat qalqanı operaśiyase quzğatılaçaq.

Premyer-ministrnıñ Rusiyägä säfärendä ministrlar belän ber rättän şaqtıy êşmäkärneñ dä qatnaşuı kötelä.

Yıldırımnıñ säfäre Törkiyä ilbaşı Ärdoğannıñ premyer-ministr bulğannan soñ Rusiyägä premyer-ministr däräcäsendä çınğa aşaçaq berençe säfäre bulaçaq.